ផ្ទុះកំប៉ុងហ្គាស នៅភោជនីយដ្ឋាន១កន្លែង កណ្ដាលក្រុង សៀមរាប បណ្ដាលឲ្យ មនុស្ស៧នាក់ រងរបួសកំពុង ជួយសង្គ្រោះ

ខេត្តសៀមរាប៖មនុស្ស៧នាក់ បានរងរបួស ក្នុងហេតុការណ៍ ផ្ទុះកំប៉ុងហ្គាស ១កន្លែង នៅកណ្ដាល ក្រុងសៀមរាប។លោកវរសេនីយ៍ត្រីខោ ស៊ុនភិរម្យមេបញ្ជាការ មូលដ្ឋានក្រុងសៀមរាប បានឲ្យដឹងថាហេតុការណ៍ បានកើតឡើង នៅម៉ោង១និង ៣០នាទី ថ្ងៃទី០៩ ខែកុម្ភៈ ឆ្នាំ២០១៦ នៅចំណុចភោជនីយដ្ឋានកូរ៉េប៊ីវុន ក្រុមទី២៥ ភូមិគ្រួស សង្កាត់ស្វាយដង្គំ ក្រុងសៀមរាប មានករណី ផ្ទុះកំប៉ុងហ្គាស របស់ម្ចាស់ឈ្មោះ គីម ចាំងស៊ូ ភេទប្រុស អាយុ៥៦ឆ្នាំ ស្នាក់នៅកន្លែងកើតហេតុខាងលើ បណ្តាលអោយ របួសមនុស្សចំនួន០៧នាក់ ស្រី០៦នាក់ មានឈ្មោះដូចខាងក្រោម៖

១-ឈ្មោះ អឿម វ៉ាន់ ភេទស្រី អាយុ១៨ឆ្នាំ មុខរបរចុងភៅ មានទីលំភូមិសួង ឃុំប្រាសាទបាគង ស្រុកប្រាសាទបាគង (របួសស្រាល)។

២-ឈ្មោះ ជា គឹមហេង ភេទស្រី អាយុ៥៥ឆ្នាំ មុខរបរចុងភៅ មានទីលំនៅភូមិវាល សង្កាត់គោកចក ក្រុងសៀមរាប (របួសស្រាល)។

៣-ឈ្មោះ ឡាយ គឹមលី ភេទប្រុស អាយុ២៤ឆ្នាំ មុខរបរចុងភៅ មានទីលំនៅភូមិពាក់ស្នែងថ្មី  ស្រុកបន្ទាយស្រី (របួសស្រាល)។

៤-ឈ្មោះ នាង ភេទស្រី អាយុ៣៧ មុខរបរចុងភៅ ភូមិជ័យ សង្កាត់ទឹកវិល ក្រុងសៀមរាប (របួសធ្ងន់)។

៥-ឈ្មោះ វី សុវណ្ណ ភេទស្រី អាយុ៣២ឆ្នាំ មុខរបរចុងភៅ មានទីលំនៅភូមិវាល សង្កាត់គោកចក (របួសស្រាល)។

៦-ឈ្មោះ ដែន ចន្ធូ ភេទស្រី អាយុ២១ឆ្នាំ មុខរបរចុងភៅ មានទីលំនៅភូមិត្រពាំងស្វាយ ឃុំលាងដៃ ស្រុកអង្គរធំ (របួសស្រាល)។

៧-ឈ្មោះ ឆាយ សី ភេទស្រី អាយុ២៣ឆ្នាំ មុខរបរចុងភៅ មានទីលំនៅភូមិសួង ឃុំត្រពាំងធំ ស្រុកប្រាសាទបាគង (របួសស្រាល)។

ជនរងគ្រោះបានបញ្ជូនមកមន្ទីរ ពេទ្យបង្អែកខេត្តដើម្បីជួយសង្គ្រោះ លើកលែងតែ ឈ្មោះ អឿម វ៉ាន់ របួសរលាកជើងតែបន្តិច។មូលហេតុបណ្តាល មកពីបញ្ចូលហ្គាសពីធុង ធំមកកំប៉ុងតូចមិន ប្រយ័គ្នបណ្តាលផ្ទុះឆេះរបួសមនុស្ស៕

ប្រភព៖សៀមរាបប៉ុស្ដិ៍