មិន​គួរ​ឲ្យ​ជឿ​ រូប​ថត​ដំឡូង​មួយ​មើម​មាន​តម្លៃ​ជាង ១ លានដុល្លារ

លោក ខេវិន អាបូស ​ជាង​ថតរូប និង​រូបភាព ដំឡូង​ដែល​លក់​ក្នុង​តម្លៃ​ជាង ១ លាន​ដុល្លារ។

ក្រុងប៉ារីសៈ បុរស​នៅ​ក្រុង​ប៉ារីស​​ម្នាក់ ចាយ​ប្រាក់​ជាង​មួយ​លាន​ដុល្លារ​ទិញ​រូប​ថត​ដំឡូង​មួយ​​សន្លឹក​ ដែល​ធ្វើ​ឲ្យ​វាក្លាយ​ជារូប​ថត​ថ្លៃ​បំផុត​មួយ​ចំណោម​រូប​លក់ ២០ សន្លឹក​។រូបថត​ដ៏​អស្ចារ្យ​នោះ​ជា​ស្នាដៃ​អ្នក​ថត​រូប​ដ៏​ចំណាន លោក​ ខេវិន អាបូស ដែល​​កំពុង​​ល្បី​រន្ទឺ​លើ​សកល​លោក។​

នេះ​បើ​តាម​សារព័ត៌មាន​ Business Insider។ ជា​ជាង​​ថតរូប​ឲ្យ​កំពូល​តារា​ល្បី​ៗ ជន​​ជាតិ​អៀរឡង់​ ​ខេវិន អាបូស ​ក៏ចូល​ចិត្តថត​រូប​ដំឡូង​ ​ដោយ​បាន​ផ្ដិត​យក​រូប​ដំណាំមើម​ទាំង​នេះ​រាប់​ពាន់​សន្លឹក​លើ​​ផ្ទៃ​ពណ៌​ខ្មៅ។​

ជាងថត​វ័យ ​៤៧ ​ឆ្នាំ​រូប​នេះ​ បាន​ប្រាប់​​ ​Sunday Times ថា៖ «យើង​បាន​ញ៉ាំ​ស្រា​ក្រហម​ជា​មួយ​គ្នា ហើយ​គាត់​​និយាយថា​ គាត់​ពិត​ជាពេញចិត្ត​រូប​នោះ​ណាស់។ ​ថែម​ស្រាម្នាក់​មួយ​​កែវ​ទៀត គាត់​បន្ថែម​ថា គាត់​ត្រូវ​ការ​វា។ ​​យើង​បាន​ចរចា​តម្លៃ​ត្រូវគ្នា​នៅ​ពីរសប្តាហ៍​ក្រោយ​មក​»។​

ពិត​ជា​មិនគួរ​ឲ្យ​ជឿ​សោះ​ឡើយ រូប​ថត​ដំឡូង​មួយ​មើម​នោះ អាច​លក់​ក្នុង​តម្លៃ​មិនកាត់​ថ្លៃ​​គឺ​រហូត​ដល់​ជាង ​១ លាន​ដុល្លារ​ឯណោះ​៕
ប្រភព៖ Khmerpost