វិធីសំគាល់ បន្លែ និង ផ្លែឈើ ដែលមាន ផ្ទុកនូវសារធាតុគីមី

បច្ចុប្បន្នមានអាហារ ច្រើនប្រភេទណាស់ ដែលមានផ្ទុក នូវសាធាតុគីមី។ ​​​​​​​បន្លែ និង ផ្លែឈើត្រូវបាន គេចាក់បញ្ចូល សារធាតុគីមី ឬ យកទៅត្រាំ ក្នុងសារធាតុគីមី ដើម្បីឲ្យវាមើល ទៅមានរូបរាង និង​ ពណ៌ស្រស់ ស្អាតល្អគួរ ឲ្យចង់ទទួលទាន។ តើត្រូវមើល ដូចម្តេចទើបដឹងថា បន្លែ ឬ ផ្លែឈើណាដែលមានផ្ទុកសារធាតុគីមីឬអត់នោះ?

គ្មានវិធី ឬ ក្បួនណាមួយជា លក្ខណៈស្តង់ដា ក្នុងសំគាល់បន្លែ និង ផ្លែឈើមានជាតិគីមី ដោយមើលនឹង ភ្នែកទទេនោះទែ ក៏ប៉ុន្តែយើងអាច ដឹងថាបន្លែ និង ផ្លែឈើ ដែលមានជាតិគីមី មួយចំនួនតាមរយៈការសំគាល់ដូចខាងក្រោមនេះ៖

– ផ្លែឈើដែលមានមានផ្ទុក នូវសារធាតុគីមីគឺមើល ទៅគួរឲ្យចង់ញាំ ណាស់ វាមានរាងមូលល្អ ពណ៌ភ្លឺរលោងស្រស់ស្អាត និងមានទំហំដូច គ្នាៗទាំងអស់។ តាមច្បាប់ធម្មជាតិ ផ្លែឈើទាំងនោះ មិនអាចមានទ្រង់ទ្រាយ ឬ ពណ៌ដូចៗគ្នាទាំង អស់នោះទេ ពិតណាស់វាប្រាកដ ជាមានផ្លែឈើ ខ្លះមានទំហំធំខ្លះមានទំហំតូច ខ្លះមានរាងមូលល្អ ខ្លះមិនមូលល្អ ពោលគឺវា មិនអាចមាន លក្ខណៈដូចៗគ្នាទាំងអស់នោះទេ។

ចំណែកឯបន្លែវិញក៏ ដូចគ្នាដែរគឺបន្លែ ដែលមានជាតិគីមី មើលទៅស្រស់ល្អ គួរឲ្យចង់ញាំ និងមានទំហំដូចៗគ្នា បើជាបន្លែប្រភេទ ស្លឹកវិញយើងអាច មើលទៅលើ ស្លឹកទាំងនោះ គឺស្រស់ល្អគ្នានប្រហោង ឬ ស្នាមដង្កូវ និង​ស្រមោចចោះសូម្បីតែបន្តិច។ បន្លែ និង ផ្លែឈើដែលមានជាតិគីមីទាំងនេះ មានគ្រោះថ្នាក់ខ្លាំងណាស់ ហើយសូម្បីតែ អ្នកលក់ខ្លួនឯង ក៏មិនហ៊ានទទួល ទានផង ដូចនេះសូមលោកអ្នក ព្យាយាមជៀស វាងបន្លែ និង ផ្លែឈើដែលមានលក្ខណៈដូចខាងលើនេះ៕
ប្រភព៖khmernote